18/10/2023
Business Angel –aallartisaanermut aningaasaliineq
Suliffeqarfimmik ineriartortitsinissaq takorlooraanni, inuinnarnik aningaasaliisoqarnissaq – business angelsinik taaneqa...
Eqqarsaatiginikuuiuk aatsitassiorneq qanoq aningaasalersorneqarnersoq inuiaqatigiinnullu qanoq iluaqutaanersoq?
Kalaallit Nunaat inuiaqatigiinnut atugarissaartitsisuuvoq, taamaaginnassappallu immersueqataasariaqarpugut.
laatigut pisuussutitta aningaasarsiutigineratigut immersuisoqarsinnaavoq. Aatsitassarsiorneq nunatsinni eqqartugaasorujussuuvoq. Ilaatigullu aatsitassarsiorneq siunissami aningaasarsiorfissatut sukarsuit ilaattut taaneqartarpoq.
Aatsitassat inuiaqatigiinnut iluaqutaasussanngorlugit aningaasarsiutissatut pisuussutigaagut atorluarsinnaasagut, ilaatigullu isaatitsissutaasinnaasut tassaapput akileraarutit akitsuutillu.
Aningaasaliisartut nunat tamalaaneersut Kalaallit Nunaanni aatsitassat qaqutigoortut atorluarneqarsinnaaneri pillugit aningaasaliisarput. Tamannalu iluaqutaasinnaavoq, tassami uagut nammineerluta pisuussutit atorluarnissaannut aningaasassaqartitsinngilagut.
Aningaasaliisoqarneratigut inuiaqatigiinni atugassarititaasut aningaasalersorneqartarput, taakkualu takkuttarput suliffissaqartitsinikkut allatigullu pilersuinikkut. Aningaasaliisartut piumasaqaatigisarpaat aningaasaliissutitik inuiaqatigiinnut iluaqutaassasut, ilaatigut ilinniarneq qaffassarneqassaaq, sumiiffinni suliffissaqartitsisoqalissaaq attaveqaatillu inerisarneqassallutik.
Aningaasaliisartut Kalaallit Nunaannut iluanaarfiusinnaasunut annertuumik aningaasaliinerat tamatigut iluatsitsiffiuneq ajorpoq. Taamaattumik aningaasaliissuteqarnertik arlaatigut utertitsiffigineqarnissaat naatsorsuutigisarpaat.
Siunissami aatsitassiorneq aningaasarsiutiginiarutsigu, pingaarnertullu aningaasarsiutiginiarutsigu pissutsit taamaattut akuerineqartariaqarput.
