15/10/2024
Qaqortumi inuussutissarsiornermik ineriartortitsineq pillugu qaaqqusissut
Ukiormanna mittarfissat pingasut ilaat ammartussaavoq Kalaallit Nunaanni. Mittarfiit nutaat Nuummi, Ilulissani aammalu Q...
Ukiuni aggersuni sanaartornerit annertuut arlallit naammassineqassapput, tamannalu suliniuteqarnermut sunniuteqassaaq. „Ukiuni arlalinni kiassuup qaffakkiartornera pineqarpoq, maannalu naatsorsuutigisariaqarparput sumiiffiit ilaanni suliniuteqarneq nutaamik qaffakkiartornissaa.
Allattoqarfik ilaasortanik, kommuninik Namminersorlutillu Oqartussanik oqaloqateqarsimavoq. Nunap immikkoortuini assigiinngitsuni pissutsit assigiinngillat, Nuummilu ’ajornerulertoqangaatsiarnera’ ilimanarluinnarpoq.
Pissutsit ilaatigut iluarsineqarsinnaapput najukkamiit suliartortunik atorfinitsitsinikkut sanaartortitsisunillu nutaanik suliniuteqartitsinikkut. Kingullermik taaneqartumi aamma aaqqiissutissaasinnaavoq suliniutit kingusinnerusumut pilersaarutigineqartut siuartinneqarpata. Nunatsinni sanaartortut annersaat pisortanit pigineqartarput, sumiiffinnilu arlalinni piffissami kingullermi sanaartornerup nukinginnassusia paasineqarmat sanaartornerit ilaat unitsinneqarput.
Kommuninik Namminersorlutillu Oqartussanik oqaloqateqarnitsinni paasinnittunik ilaneqartarpugut, malugisarparpullu ajornartorsiut sapinngisamik pimoorunneqartartoq. Pisortat sanaartornermik suliaqartut akornusersorneqarnissaat soqutiginngilaat, ilaatigut suliat kingusinnerusukkut annertusiartulerpata pilerseqqinneqarnissaat sivisuallaartarmat. Suliassanik aalajangersimasunik kingusinnerusumut pilersaarutaasimasunik siuarsaanerup saniatigut aammattaaq sumiiffiit ilaanni soqutigineqarpoq tuniniaasunik oqaloqateqarnerup attaveqaqatigiinnerullu pitsaanerulernissaa.
Namminersorlutik Oqartussat aamma pisortat sanaartortitsisut oqaloqatigiissutigisartagaat pilersippaat, siunertaralugu suliariumannittussarsiuussinerit suliamillu ingerlatsineq piviusorsiornerunissaat, ilaatigut piffissaliussat piviusorsiornerunissaat siumoortumik nalunaarutit atorneqarnerunissaat.
Suliffeqarfiup nalinginnaasumik niuernermi pissaaneqarfii suli atuupput, tassa suliffeqarfiit ataasiakkaat namminneq tuniniaanermik ussassaarinermillu suli ingerlatsisariaqarput. Sulisitsisut sanaartortitsisunut, oqaloqatiginninnikkut ilaasortallu isumaannik tusarnaarnermikkut, pissutsit erseqqissarsimavaat, piviusorsiortumik patajaallisaanissaq suliassanillu suliaqarneq suleqatigiissutigineqanngippata ajornartorsiuteqalersinnaasunik.
Sanaartornermik ingerlatsisut suliassiissutigineqartut sivisussusissaat allanngortittarmassuk, sanaartornermik suliaqartut akigitinneqartut pillugit ilimagisaminnik allanngortitsinissaat ilimagineqarsinnaassaaq.
Sulisitsisut sanaartornermut ataatsimiititaliaasa assigiinngitsut oqaloqatigiinneq attaveqaqatigiinnerlu malinnaavigiuarpaat.
Apeqqutit tamakkua Karsten Lyberth-Klausenimut, allattoqarfimmi pisortamut, apeqqutigineqarsinnaapput
