Ukioq nutaaq aallartiguk Sulisitsisunut eqqortumik ilaasortaanermut akiliisarlutit

Assilinerara A-10/aningaasarsianullu nalunaajaammik imalimmik Sulisitsisut allaffeqarfiannut nassiuguk ilaasortaanermullu akiliut missiliugaq pinngitsoortillugu.

Ukiup taamaalinerani, suliffeqarfiit amerlanersaasa ukiumut naatsorsuutit 2022-imut naammassinissaat suliarileruttorpaat, peqatigitillugulu maannakkut, suliffeqarfiit akileraaruseriffimmut ukiumut qaangiuttumut aningaasarsianik akiliutigisimasatik nalunaarutigiortorpaat. Tassunga atatillugu maannakkut A-10/aningaasarsianut nalunaajaatip assinga Sulisitsisunut nassiullugu, taamaasilluni aningaasarsiat katinnerisa nalinngannik tunngaveqartoq ilaasortaanermut akiliutip aaliangernissaa ajornartorsiutigineqassanngilaq.

Naluneqanngitsutut Sulisitsisunut ilaasortaanermut akiliut malittarisassani § 5 tunngaviusumik ilaasortaanermut akiliut aamma aningaasarsiat katinnerisa nalingannik tunngaveqarpoq, taanna aallartitat ataatsimiinneranni ukiut marlukkaarlugit aaliangersarneqartarpoq.

Tunngaviusumik ilaasortaanermut akiliut aalajangerneqartarpoq ukiumut aalajangersimasumik akiluteqartarnikkut, taanna ukiumut sisamanik kvartalinut avinneqartarpoq, kisianni aningaasarsiat katinnerinik tunngaveqartoq aalajangersarneqartarpoq suliffeqarfiup katillugit akileraaruseqarfimmut A-tut isertitaasa nalunaajataasa procentiat tunngavigalugu.

Sulisitsisut malittarisassaasa § 5-iat, imm. 6 malillugu, A/10/akissarsianut nalunaarutaasoq Sulisitsisut aningaasarsiat katinnerisa nalinganik eqqortumik naliliinissaanut ilaasortaanermut akiliut aalajangersarneqartarpoq. Nalunaajaat kukkunersiup akissarsiatut akiliutigineqarsimasutut atsiugaanik taarserneqarsinnaavoq. Kisianni uppernarsaatinut marluusunut atuuppoq, Sulisitsisut allaffeqarfiannut kingusinnerpaamik ulloq februaarip 15-iat nassiunneqareersimassammat.

Nalunaarsuut piffissaliussami tassa tiguneqanngippat, taava aningaasarsiat katinnerisa nalingat ilaasortaanermut akiliutissamik missingersuut aalajangerneqassaaq ukioq kinngulleq ilaasortaanermut akiulitigineqarsimasoq tunuliaqutaralugu. Aamma tassunga atatillugu erseqqissarneqassaaq, missingiutit aalajangerneqartoq allanngortinneqarsinnaanngimmat.

Eqqaamallugu nalunaajaat imaluunnit suliffeqarfiup aningaasarsiat katinnerat kukkunersiusumit naatsorsorneqarsimasoq atsiorneqarsimasorlu nassiutissagakku. Kingusinnerpaamik 15. februar.

Inussiarnersumik inuulluarit

Kattuffik sinnerlugu

Karsten Lyberth-Klausen