Namminersorlutik Oqartussanit ilinniagaqarnermut tapiiffigineqartaruit Future Greenlandimullu 14.-15. maaji 2024-mi peqataarusukkuit, taava ukioq manna aamma ataatsimeersuarnermi akeqanngitsumik peqataasinnaavutit. Akeqanngitsumik peqataagaanni, akiliilluni peqataasutuulli ataatsimeersuarnermi tamakkiisumik peqataassaatuulli pisinnaatitaassapput.
Future Greenland 2024-mi qulequtarineqarput: Kalaallit Nunaanni piujuaannartitsineq aallaavigalugu ingerlatsinermi periarfissaq – Sooq, Qanoq aammalu Suna? Ataatsimeersuarnermi sammineqassapput piujuartitsineq, assigiinngiiaarneq, kalaallit nerisassaataat, Power-2-X-imi periarfissat, eqqumiitsuliorneq kulturilu inuussutissarsiutitut kiisalu Kalaallit Nunaata nunanut allanut niuernikkut attaveqaatai oqaluttuarisaaneralu.
Akeqanngitsumik peqataarusukkaanni, ataatsimeersuarnermi peqataanissamut nalunaarnermi uani https://futuregreenland.gl/kl/nalunaarneq/, iseraannilu toqqarneqassooq ”Studerende friplads”.
Nalunaartut siulliit kisimik akeqanngitsumik peqataasinnaapput inissat killeqarmata
