Qaammatip suliffeqarfia: Kalaallit Forsikring – toqqissisimanartut kalaallinik tunngavillit.
Kalaallit Forsikring sillimmasiisarfiinnaanngilaq - suliffeqarfilli oqaluttuarisaaneq eqqarsaatigalugu tunngaveqarput, sumiiffinnut naleqqussarsimavoq aammalu inuit suliffeqarfiillu Kalaallit Nunaanneersut toqqissisimanissaat anguniarneqarluni. Suliffeqarfik oqaluttuarisaanermi Kgl.-mut attuumassuteqarpoq kingumullu qiviassagaanni 1774-imiilli Den Kongelige Grønlandske Handelimut attuumassuteqarluni. Taaguutaa Kalaallit Forsikring 1980-ikkut naalersoq atorneqalerpoq, tassuunalu takutinniarneqarsimavoq Kalaallit Nunaanni inuiaqatigiinni pitsaasumik qanilaartumillu inissisimaneq.
Suliffeqarfiup sumiiffinnut naleqqussarsimanera ulluinnarmi ingerlatsinermi takuneqarsinnaavoq. Nuummi, Sisimiuni, Ilulissani Qaqortumilu allaffeqarpoq sulisullu atuisunik naapitsisartut kalaaliupput - sumiiffinni pissutsinik ilisimannipput oqaatsitillu atorlugit siunnersuisarlutik. Periutsip tamatuma atorneratigut toqqissisimaneq qanilaarnerlu pilersinneqartarput, taamaaliornikkullu atuisut inuunerannut naleqquttumik kulturikkut sumiiffinnilu assigiinngissutsimik eqqarsaatiginnittumik sullissinissaq qulakkeerneqartarpoq.
Taassumattaaq saniatigut Kalaallit Forsikring If Skadeforsikringimi immikkut ilisimasallit qanimut suleqatigineqartarput, taamaalilluni sillimmasiinermi aaqqiissutit nalinginnaasut naleqquttullu - pitsaassusaat allannguuteqartinnagit neqeroorutigineqarsinnaallutik. Angallatit, biilit imaluunniit allatigut sillimmasiissummik pisariaqartitsisoqartillugu atuisup ulluinnaa pissutsillu atugaat sullinneqarnera tamaat eqqarsaatigineqartarput.
Suliffeqarfiup pitsaaqutaasa ilaat tassaavoq tikikkuminassuseq kiffartuussinerlu ersarissoq. Atuisut ornigullutik aggersinnaapput imaluunniit digitalimik aaqqiissutit atorneratigut ikiorneqarsinnaallutik. Digitalimik aaqqiissutitigut sillimmasiinermi paasissutissat aammalu ajutoornermi nalunaaruteqarneq pisinnaavoq. Ornigunnikkut digitalimillu aaqqiissuteqarsinnaanikkut atuisut sumiikkaluaraangamilluunniit pisariitsumik sullinneqarsinnaanerat periarfissaavoq.
Suliffeqarfittaaq Kalaallit Nunaanni inuussutissarsiornerup iluani ingerlatsisuuvoq. Kalaallit Forsikring ingerlaavartumik sumiiffinni nunallu tamalaat akornanni ingerlatanut ilaasarpoq, tassunga ilanngullugit sulisitsisut peqatigiiffiisa aaqqissuussaat, nunatsinni nunallu avataani messertitsineq attaveqaqatigiinnullu naapisitsinerit assigiinngitsut. Taamaaliornikkut aalisarnerup, aatsitassarsiornerup inuussutissarsiornerullu iluani ineriartornernut malinnaasinnaapput.
Naak Kalaallit Nunaanni sillimmasiinerup iluani pissutsit atuuttut suunersut taakkartoruminaassinnaagaluartut Kalaallit Forsikringimi maluginiarneqarsimavoq innuttaasut amerlanerit sillimmaserneqarnissartik pingaartikkiartulersimagaat. Tamanna isumaqarpoq ajutoortoqartillugu ikiuisinnaasut qaninnerulertut - aammalu inuiaqatigiinni ataatsimut isigalugu toqqissisimaneq annertunerulertoq.
Anguniagaq suli ersarippoq: Kalaallit Forsikring Kalaallit Nunaanni sillimmasiinerup iluani atorneqarnerusutut inissisimarusuppoq - sumiiffinni ersarissuussaaq, aaqqiissutit nutaaliaassapput sulisullu tunniusimasuussapput atuisullu inuunerisaannik ilisimaarinnissallutik.
