Qaaqqussut – Soraarfiup nalaani ataatsimiinneq

INNARLUUTEQARNEQ ANNERTUUMIK PATAJAATSUMILLU TUNNGAVILIISINNAAVOQ

Inuppassuit innarluutillit Danskit Nunaanni nunatsinnilu suliffeqanngillat. Soormitaavaana?

Marlunngorneq 23. April GE/Sulisitsisut Nossell & Co suleqatigalugu ataatsimiititsiniarpoq, Jacob Nossell nammineq innarluuteqartuusoq, misilittakkaminik saqqummiussissaaq aammalu innarluutillit inuutissarsiornermi qanoq peqataasinnaanerinik iluaqutaalluarsinnaanerinillu eqqartuissaaq.

Unamminartua tassaasarpoq, suliffeqarfiit aammalumi kattuffissuit innarluutilinnik atorfinititsinissamut piareersimajuaannarneq ajormata. Tamassumani nunatsinni aammalumi Danskit nunaanni innarluutilinnik atorfinitsitsisinnaanissamik piareersimanngittarnerujussuup, pisinnaassutsimikkut aammalu sulisinnaasutsimik pisinnaasalippassuit annaasarpaat.

Taamaasilluta suliffeqarfiit aammalumi kattuffiit patajaatsumik pisinnaanngorsarlugit ilinniartittariaqarpagut, assigiinngitsunik innarluutilinnik atorfinitsitsisinnaanngorlugit. Tamanna pitsanngorsaaneq suliffimmik eqaatsumik pilersitsinikkut ingerlanneqarsinnaavoq aammalumi tamatigoortunik avatangiiseqartitsinikkut aammalu inissaqartitsinikkut.

Eqaannerusumik ingerlatsilerneq suliffimmik sulinissamik inuunissamillu pitsaanerusumik angusaqarfiusinnaavoq, innarluuteqaraluaraanni innarluuteqanngikkaluaraanniluunniit.

Nossell & Co. Nossell & Co. tassaavoq siunnersuisarfiusoq, siunnersuisarnermini innarluutilinnut tunngasut assigiingitsut ukkatarai, annermik attaveqatigiittarnermut, sulianik aqqutsisarnermut, siunnersuinerit allat aammalu suleqatigisassanik attaveqaataasussanik pilersitsisarnermi.

Nossel & Co. immikkut ilisimasalinnik amerlasuunik qanimut suleqateqartarpoq, taakkunaniillutik siunnersuisartut, nittartakkanik piorsaanermik suliallit, Videoliortartut (VJ´s), assiliisartut, qarasaasiat atorlugit ilusilersuisartut, eqqumiitsuliortut aammalu attaveqaateqartarnermi siunnersuisartut, nittarsaassinermik suliallit aammalu politikkerit. Siunnersorlugit sullittagaat tassaapput, Googgle, Copenhagen International School, Danskit Nunaanni Innarluutillit Kattuffii, Innarluutilinnut ilisimasanik katersiffik allarpassuillu.

Una sulereernermi angerlannginnermi ataatsimiinnissaq nal. 15:30-17:00 akornani pisussaq aallartissaaq oqallissaarummik Peter Græsbøll Holmimit  Nossel & Co-mi attaveqaateqarnermut sulialimmit saqqummiinermik, taassumalu kingorna oqallinnerit ingerlanneqassapput, Sulisitsisuni pisortaaneq Christian Keldsen aqutsisuussaaq, Anja Hynne Nielsen, Innarluutillit illersuisoqarfianiit Tilioq-miit, Naasunnguaq Berthelsen, Sulisoqarnermut  Pisiffimmi pisortaq aammalu Jacob Nossell, Nossell & Co-mik siunnersisarfiusumik piginnittuullunilu tunngaviliisoq.

Paasisariallit Aaqqissuussaq Sulisitsisuni/-GE-mi, Jens Kreutzmannip Aqq. 3-miittumi, Nuummi ingerlanneqassaaq, tassanilu peqataasinnaasut amerlanerpaamik 25-iusinnaapput. Takkullutit peqataasinnaanngikkuit imaluunniit 25-it sinnerneqarsimappata, qarasaasiakkut Microsoft Teams atorlugu peqataasinnaanissamut periarfissaqarputit.

Peqataanissamut nalunaartoqarsinnaavoq praktikant@ga.gl – mut. Nalunaarfissaq kingulleq 22. April 2024.

Peqataanissamut nalunaarniaruit, atit, suliffeqarfik e-mail adresserisallu tunniutissavatit, nalunaarutigalugulu Teams-ikkut imaluunniit takkullutit peqataaniarnerlutit