19/09/2024
Suliffeqarfik issaqartitsisoq - inuussutissarsiortuni pisortanut pisortanilu pisortanut qaaqqusissut
Kalaallit Nunaanni Naligiissitaanermut Siunnersuisoqatigiit Sulisitsisut aamma Dansk Industri suleqatigalugit inuussutis...
Naalakkersuisut qanittukkut ilisimatitsissutigaat Inatsisartut Aningaasaqarnermut Akileraartarnermullu Ataatsimiititaliaata akuerigaa Qeqertarsuarmi, Upernavimmi, Nanortalimmi Narsamilu inuusuttunut inissialiornissamut aningaasaliissutit tunniunneqarnissaat. Upernavimmi, Nanortalimmi Narsamilu sanaartornissamik neqeroorutit illoqarfinni taakkunani entreprenørit ajugaaffigaat.
Naalakkersuisut pisortat aningaasaliissutaannik siammarterinikkut inoqarfiit mikisut ukkatarinerat pitsaasuuvoq. Taamaalilluni inoqarfiit siunissaat ineriartorsinnaanerallu qulakkeerinnarnagit aammali ullumikkut inuussutissarsiorneq qulakkeerneqassaaq. Taamaattumik aamma immikkut pitsaasuuvoq inoqarfinni sisamaasuni pingasuni inuusuttunut inissialiornissamut suliariumannittussarsiuussinerni najukkami entreprenørit ajugaammata.
Qeqertarsuaq, Upernavik, Nanortalik aamma Narsaq inuusuttunut inissialiornerit pillugit pilluaqquneqarput, sanaartortitsisullu taakkuninnga pissanganartunik sanaartornissamut akuerineqartut pilluaqquneqarput.
Suliniutit akuerineqartut pillugit paasisaqarnerusinnaavutit uani: Upernavimmi, Nanortalimmi Narsamilu maannakkut inuusuttunut inissialiortoqalerpoq (naalakkersuisut.gl) aamma uani: Qeqertarsuarmi inuusuttunut inissialiassat sisamat aasamut aallartinneqassapput (naalakkersuisut.gl).
