15/04/2024
Qaaqqussut – Soraarfiup nalaani ataatsimiinneq
INNARLUUTEQARNEQ ANNERTUUMIK PATAJAATSUMILLU TUNNGAVILIISINNAAVOQ
Inuppassuit innarluutillit Danskit Nunaanni nunatsinn...
Asasakka Tamassi.
Ukioq pissanganartoq naagaluttualerpoq aammalu ukioq nutaaq 2024 iserfigilerparput.
Piffissaq kingumut qiviarukku qaammatillu maannamut ingerlareersimasut siulittaasunngornerma kingorna april-ip 28-ianiit 2023-miit, taava suli pisussanut pissanganerulertarpunga.
April-ip kingornali arlaqartusi nuannersumik naapittarsimavassi tassa Ilulissani aamma Aasianni kiisalu Nuummi. Ilinniarfiunarsimaqaaq oqariartuutisi tusarnaarlugit aammalu pissutsinut assigiinngitsorpassuarnut tamatta sumiiffigisatsinnut eqqarsaasersuuteqassal-lunga, tassa susassaqarfigut aammalu ilaatigut eqqarsariallaqqinnerput atorlugu aaqqiissutinik nassaarsiortarluta taakkualu pisisartutsinnut aammalu suliffeqarfiutitsinnut iluaqutaasunik.
Aammalu eqqarsariallannanngitsuunngilaq manna, tassa tamatta unammillernartut aqqusaartakkavut piffitsinni pisut, kiisalu sinaakkutit atugassarititaasut imaluunniit amigaatigisagut eqqarsaatigalugit. Unammillernartut ilaatigut eqqortarpaatigut toqqaannaq annertusaanitsinni aammalu suliniutitta pilersikkusuttakkatta ilaatigut annikillisittarsinnaammatigit.
Taamaattumillu tulluussimaarutigaara allattoqarfeqaratta nammineq takusinnaasannik, tassa sinaakkutissat anginerusut angutserlugit ajattaajuartunik taamaasilluta inuussutissarsiornermi atugassat ineriartornissaat aammalu annertusaasoqarnissaanik sulisoqarluni.
Allattoqarfik eqeersimaartuartoq aammalu erngertumik inuussutissarsiornermi atukkatta ingerlateqqittarneratigut taakkualu inuussutissarsiortunit ujartorneqartut saqqummiuttarlugit. Ilisimasaqassuseq qaffasissoq angusaqarusussutsimik sulialik aammalu ataavartumik oqaloqateqarnermik aallussisoq pigalugu.
Nuannaarutigaarattaaq siulersuisut siammasissunik aallaavillit peqataaffigigakkit, kiisalu siulittaasoqarfik immikkut tamarmik sumiiffimminni suliniarluartut peqataammata aammalu taamaasillutik politikkerinut suut anngunneqassanersut oqariartuuteqartarlutik.
Tamat oqallittarneranni maqaasisara tassavoq, tassa ilaatigut ajornanngippallaartumik toortakkat atupallanneqartarneri aammalu tikkuartuilluni pissuseq, ilaatigut tulluarpallaanngittumik nuanninngitsunik aammalu nakkarsaataasumik nipilinnik pisoqartarluni. Tamatumallu nassatarisarpaa inuiaqatigiinni nipaallisimaneq, tassalu taakkua ineriartortitsinissamik siunertaqaraluit aammalu pitsaasumik siunertalimmik oqariartuullit eqqarsaatigalugit, isumaqataagaanni imaluunniit isumaqataanngikkaanni. Uffa tamanna ataqqinnippalaartumik naak isumaqataanngikkaluarluni aammalu aaqqiissutissarsiorneq atorlugu isiginnittumik pisinnaasoq.
Kissaatigaaralu manna, nammineerluta akisussaaffimmik tigusinikkut kikkut peqataasinnaanerannik aammalu nammineerluta suna qaqinneripput nerrivimmut naveersilluta aallartinnginnitsinni.
Inuussutissarsiortut nukittuut Kalaallit Nunaaniittut sinaakkutit piumasaqaataasut naammassissaqqaarpaat aammalu aningaasarsiornikkut annertusaanerit pilersillugit inuiaqatigiinnut tamanut iluaqutaasunik.
Sinaakkutit Sulisitsisuni ataavartumik sulissutigisavut aammalu ilusilersueqataaffigisagut pillugit
Qilanaarpunga, ukiumi nutaami, lokaleqarfiit amerlarnerusut tikeraarnissaannut aammalu piffissinni naapeqatigissallusi. Qilanaarpunga Sulisitsisut siulersoqarfianik inerisaaqataaqqinnissannik, kiisalu aamma qanoq suleriaaseqarnissatsinnik ersarissaanissamik suliaqarnissamut aammalu qanoq siunissami sulissanerluta peqatigiinnerput suli nukittorsarlugu annerusumik uagutsinni Sulisitsuni.
Ukiortaami pilluaqquassi.
2024-mi takussaagut.
Inussiarnersumik Inuulluaqqusillunga Krissie.
